Gladhen AAJ 9-2

 Gladhen AAJ 9-2

SMP Suka Seneng saben taun nganakake acara perpisahan kelas IX. Acara perpisahan biasane dianakake mapan ing hotel. Adicara pepisahan kelas IX bakal dianakake ing dina Setu, 14 Mei 2022, mapan ing aula SMP Suka Seneng. Wondene kang rawuh Kepala Sekolah, guru, wong tuwa, komite, siswa kelas 9, lan perwakilan kelas 7 lan 8. Brian didhawuhi atur sesorah/pidato minangka wakil siswa kelas 9.

1. Ukara pambuka kang ditulis Brian kanggo sesorah adhedhasar pratelan kasebut yaiku …

A.    Ingkang kinurmatan Kepala SMP Suka Seneng, komite sekolah, tiyang sepuh ingkang kula urmati, kanca-kanca kelas 9, adhik-adhik kelas 7 lan 8 kang tak tresnani.

B.    Kangge para adhi-adhi kelas 7 lan 8, tetep semangat anggone sinau ana papan kene, muga bisa gawe senenge Bapak/Ibu guru.

C.    Bapak lan Ibu, kula lan sakanca nyuwun pamit lan pangestu anggene badhe nglajengaken ing papan langkung inggil.

D.    Wasana cekap semanten atur kula, menawi wonten kiranging atur kula nyuwun pangapunten.

Dhugdheran

               Dhugdheran iku salah sawijining kabudayan utawa tradisine wong Semarang. Wujude yaiku upacara adat kanggo mengeti tekane sasi pasa/Ramadhan.  Sing ana pancen mung ing kutha Semarang, Dhug-Dher…! Wiwit dhek jamane Kanjeng Adipati Raden Mas Tumenggung Arya (RMTA) ing antarane taun 1881. Dhug-Dher kae mau (mba­rengi swara bedhug ditabuh, binarung swarane/unine mercon “dheeerrr…” kang nandhani wiwitane wulan Ramadhon kanggo umat Islam nglakoni pasa sesasi muput. Dhugdheran dianakake sedina sadurunge tekane sasi Pasa

                Dhugdheran nduweni tujuan kanggo gawe sarana informasine Pemerintah Kota Semarang marang masyarakat gawe menehi ngerti tekane tanggal 1 Ramadhan. Tembung Dhugdher iku kajupuk saka swara Bedhug "dhug...dhug...dhug" lan swara meriam "dher...dher...dher" banjur dadi Dhugdher. Ana ing adicara iki biasane dianakake acara-acara liyane, kayata pasar rakyat (sing diwiwiti seminggu sadurunge Pasa), karnaval pasukan merah putih, drumband, pasukan pakaian adat “Bhineka Tunggal Ika”, meriam, warak ngendhog lan kesenian-kesenian sapanunggalane sing ana ing tlatah Semarang.

2. Prastawa budaya “Dhugdheran”  nggadhahi mupangat (manfaat) ... .

A.  kanggo nambahi ramene Kutha Semarang

B.  supaya kesenian dikenal ing negara manca

C.  nuwuhake rasa bombong tumrap budaya kita

D.  sarana informasi masyarakat Jawa Tengah

        3.  Istilah “Dhugdheran” ing teks kasebut maknane ... .

A.  ciri khas wisata budaya Kutha Semarang

B.  sarana promosi kesenian warga Semarang

C.  minangka tandha wiwitane sasi Pasa/ Siam

D.  sarana silaturahmi lan informasi masyarakat 

    Pamedhare wasitaning ati,
    cumantaka aniru pujangga,
    dahat muda ing batine.
    Nanging kedah ginunggung,
    datan weruh yen keh ngesemi,
    ameksa angrumpaka,

basa kang kalantur,
tutur kang katula-tula,
tinalaten rinuruh kalawan ririh,
mrih padhanging sasmita.

4. Pitutur luhur saka teks tembang kasebut yaiku dadi.…

A.    wong aja seneng meksakake yen duwe kekarepan marang wong liya

B.    manungsa kudu nganggo basa isyarat yen guneman marang wong liya

C.    wong aja kesenengan yen dialem amarga mesti bakal digunem ala

D.    wong ora kena duwe watak kedanan drajat, pangkat lan kadonyan      

 

    Sasmitaning ngaurip puniki,

    apan ewuh yen nora weruha,

    tan jumeneng ing uripe,

    akeh kang ngaku-aku,

    pangrasane sampun udani,

    tur durung wruh ing rasa,

    rasa kang satuh

    rasaning rasa punika,

    upayanen darapon sampurna ugi,

     ing kauripanira.

            5. Gatra kapisan ing teks tembang kasebut nduweni teges .…

A.       ora bakal kopahami komangerteni

B.       isyarat/tanda  ing panguripan iki

C.       supaya sampurna ing uripmu

D.       ora ana katentreman urip

Bekti kagem Ibu 

Nyuwun tambahing pangestu 

Kula badhe angayahi 

Tanggung jawab marang bangsa 

Ugi mring ibu pertiwi 

Iki pancen kewajiban 

Keng putra wus kudu ngerti

Lamun pra putri tan maju

Bakal ringkih tembe mburi

Awit ibu kang kuwasa

Mulang muruk putra -putri

Guru aneng kulawarga

Kang pawitan jroning urip

( Kabesut saking Marsudi Basa lan sastra Jawi kelas IX kaca 75)

 

6. Apa isine geguritan kasebut? (PGK)

o  Pangestu ibu boten dibutuhake.

o  Para ibu iku guru aneng kulawarga.

o  Ibu ora mangestoni putrane lelungan adoh.

o  Tanggung jawab iku kewajiban kang kudu dilakoni

o  Nyuwun pangestu awit putra badhe ngayahi ujian

Wacanen pethilan teks kasebut!

Kethek putih ya Anoman nglakoni paukuman. Nanging ora bisa kobong amarga sekti mandraguna lan malah mencolot sandhuwuring kraton. Omah, wewangunan liyane, lan wit-witan kang dipidak Anoman kabeh kobong. Dasamuka muntab,. Anoman kasil lolos lan bisa atur palapuran marang Prabu Rama.

 

7.  Pratelan endi kang jumbuh karo isine teks kasebut? (PGK)

o  Anoman uga diarani kethek putih.

o  Anoman ora bisa kobong merga sekti.

o  Anoman mencolot munggah wit angsana.

o  Rahwana bungah lan ndhawuhi supaya nyekel Anoman.

o  Omah lan wit-witan kobong amarga disundhul Anoman.

8. Ingkang kalebet adat istiadat kesripahan (mati) ing tanah Jawa inggih menika ... . (PGK)

o  nyatus

o  mitung dina

o  taun kapisan

o  srah – srahan

o  budhalan layon 

Nyadran

Nyadran asale saka bahasa sansekerta, ‘sraddha’ sing artine keyakinan. Ing bahasa Jawa, nyadran asale saka  sadran sing artine ruwah syakban.

Nyadran yaiku tradisi budaya wujud  rasa syukure masyarakat marang Gusti Allah amarga bumi iki bisa dadi sumbere urip. Acara  nyadran lumrahe saben desa nduweni dina, tradisi lan panggonan sing beda-beda. Ana sing ditindakake ing sendang, kuburan lan punden. Panggonan sing kaanggep masyarakat iku dadi cikal bakale anane desa iku.

Yen ing desaku dhedhaharan iku dianakake ing pesarehan, masyarakat ing kana nduweni kapercayan yen panggonan iku dianggep keramat dadi masyarakat yen nganakake dhedhaharan saka wujud rasa syukure marang Gusti Kang Murbeng Dumadi iku ing pesarehane. Sakliyane mengeti nyadran  supaya nduweni wujud rasa syukur marang Gusti Kang Akarya Jagad uga nduweni tujuan  supaya ora ana gangguan roh jahat.

 9.  Pratelan endi kang trep karo isine teks wacan kasebut?

o  Adat Nyadran mujudake tradhisi budaya kang ora becik.

o  Nyadran mujudake tradhisi budayane  masyarakat padesan.

o  Nyadran minangka wujud pemborosan amarga nggawa panganan.

o  Nyadran mujudake tradhisi budaya wujud rasa syukur marang Gusti Allah.

o  Nyadran nduweni tujuan supaya masyarakat ora ana gangguan saka roh jahat.

Kaya padatan, saben dina Senin, siswa wadon ing sekolahanku diedumi pil utawa tambah darah. Pil kasebut wajib diombe, amarga pancen wigati kanggo njaga kasarasan. Senajan gedhe mupangate, akeh siswa wadon sing rumangsa kepeksa ngombe pil kasebut. Jarene rasane ora enak. Saperangan bocah wadon uga ora bisa ngombe pil mau yen nganggo banyu utawa wedang. Bisane ngombene karo dicampur roti utawa gedhang. ....................................................................................................................................

 

10.  Pratelan endi kang jumbuh karo isine pethilan teks wacan kasebut? (PGK)

o   Saben dina Senin kabeh siswa ing sekolahanku diedumi pil/tablet tambah darah

o   Siswa wadon wajib ngombe pil/tablet tambah darah kanggo njaga kasarasan awakke

o   Siswa wadon padha seneng ngombe pil kasebut amarga rasane enak lan gampang diombe.

o   Senajan ngerti mupangate pil/tablet tambah darah siswa wadon padha ora gelem ngombe.

o   Pil/tablet tambah darah iku becike diombe dicampur roti, gedhang utawa panganan  liyane.

11.  Tulisen katrangan utawa informasi ngenani urut-urutane upacara adat tedhak siti?

 

12.  Wacanen teks kasebut!

Gambuh Aja nganti kabanjur Barang polah ingkang nora jujur Yen kabanjur sayekti kojur tan becik Becik ngupayaa iku Pitutur ingkang sayektos

Apa isine teks tembang kasebut?