Materi PAT
MATERI, TEKS
WACAN, LAN GLADHEN SOAL
- Materi PAT kelas 9 lan TuladhaTeks Wacan
a. Teks Geguritan
Ibu
Ibu ...
Kula nyuwun pamit
pamit dhateng kutha
pados pangupa jiwa
Ibu...
kula nyuwun sangu
sangu donga sanes japa
mantra
uga sanes sangu arta
Ibu...
kula nyuwun pangestu
mugi mboten wonten godha
rencana
nyrimpeti lampah kula
Ibu...
kula atur panuwun
pangestu lan pandonga kula
tampa
minangka kagem nggayuh kamulyan
Aku Bocah Jawa
Aku bocah Jawa
Aku rumangsa ora duwe apa-apa
Sing awujud banda donya
Iki dudu takeran
Sanajan mangkono,
Bab budaya unggah-ungguh munggahing tata krama
Tetep tak ugemi
Tak sunggi nganti lumebu ing bumi
Aku bocah Jawa
Ora bakal sulap marang gebyaring kahanan
Apa perlu ben diarani modern
Banjur ngecet ngawul-awul ngucir rambut
Ben kaya buntut jaran sing akeh tumane?
Utawa nato awak
Gawe gambar tengkorak
Ben katon sereng medeni ning sajatine koplak?
Ana maneh sing nindhik irung
Kaya kebo sapi disongkok
Ilere dleweran njijeni?
Dudu
Dudu iku wujude bocah Jawa
Ayo kanca wis wancine
Gumgregah tangi
Nata panguripan
Tuduhna menawa Jawa iku
Punjere budaya luhur!
Eling
Para mudha...
Elinga marang agama,
Agama kang dadi ageming
aji,
Agama kang bisa dadi
gegamaning ati.
Para mudha.....
Elinga marang wong tua,
Aja nganti tumindak durhaka,
Mengko mundhak mlebu neraka,
Para mudha.....
Elinga marang bangsa lan
negara,
Aja mung padha suka –suka,
Gawe maksiat sarta dosa,
Nganti lali nerak marang
angger-anggereing agama.
Elinga.......
Urip iku mung sepisan,
Aja nganti congkrah marang liyan,
Kareben tentrem urip bebrayan.
Dina Bada
Wus sawulan daklakoni
Ngelak, luwe, lan nyancang ati
Luru katentremaning jiwa suci
Nanging dina iki beda
Dina iki dina mulya
Kabeh padha ingapura
Dina iki dina bada
b. Teks Tembang Durma Serat Wulangreh
Dipunsami ambanting ing badanira
Nyuda dhahar lan guling
Darapon sudaa
Nepsu kang ngambra-ambra
Rerema ing tyasireki,
Dadya sabrang
Karya nira lestari
Ing pangrawuh, lair batin aja mamang,
yen sira wus udani,
mring sariranira,
lamun ana kang murba,
masesa ing alam kabil
dadi sabarang,
pakaryanira ugi.
Mung tindake dhewe datan winaonan,
ngrasa bener pribadi,
sanadyan benera,
yen tindake wong liya,
pasti den arani sisip,
iku wong ala,
ngganggo bener pribadi.
c.
Teks
Sesorah (Pidhato)
Sesorah Syukuran
Wisudha
Assalamu’alaikum
Wr. Wb.
Para sesepuh,
pinisepuh, dalah pangemban pangembating praja ingkang kinabekten. Para tamu
undangan ingkang kinurmatan
Sumangga
langkung rumiyin tansah ngunjukaken raos puji syukur wonten ngarsa dalem Alloh
SWT ingkang sampun paring kanikmatan dhumateng kita sedaya, sahengga kula
panjenengan sami saged lenggah makempal manunggal ing dalemipun Bapak Diharjo
sakaluwarga kanthi wilujeng tanpa satunggal alangan menapa.
Sanggayaning
para rawuh ingkang bagya mulya, kula minangka sulihipun Bapak Diharjo, ngambali
atur pambagya sugeng rawuh kairing atur panuwun ingkang mawantu-wantu dene
panjenengan sedaya sampun kersa nglonggaraken wekdal, ngenthengaken sarira
saperlu rawuh wonten papan menika.
Salajenganipun ingkang
dados wigatosing sedya, inggih Bapak Diharjo sakaliyan mliginipun anakmas Wikan
Kusuma kados kajugrugan ing wukirsari, awit nalika surya 30 Agustus 2021 sampun
winisuda minangka Sarjana Teknik ing pawiyatan luhur tlatah Semarang. Inggih
awit menika Bapak Diharjo sakadang gotrah tansah memuji ing ngarsanipun Gusti Allah
mugi kanthi ungguling kawasisan sarta landheping kalantipan anakmas Wikan Kusuma,
S.T lajeng saged pikantuk pedamelan ingkang dipun kersakaken. Aamiin.
Para rawuh
ingkang kinurmatan, mekaten ingkang saged kula aturaken awit asmanipun ingkang hamengku
gati. Pinanggih kasaring atur, lepating paramasastra, tuwin kiranging trapsila
sowan kula, saestu tansah nyuwun agunging samudra pangaksami.
Wassalamu’alaikum
Wr. Wb.
Pidhato Pepisahan Kelas IX
Assalamu'alaikum wr. wb.
Bapak kepala SMP Tunas Harapan ingkang kinurmatan,
bapak/ibu guru saha karyawan ingkang kula urmati, ugi kanca-kanca lan
adhik-adhik ingkang kula tresnani. Mangga kita ngonjukaken raos syukur
dhumateng Allah SWT ingkang sampun paring kenikmatan, saengga kita sedaya saged
makempal wonten ing papan menika tanpa alangan satunggal punapa.
Ing kalodhangan punika, keparenga kula makili
kanca-kanca kelas IX badhe ngaturaken atur panuwun ingkang kathah dhumateng
bapak saha ibu guru ingkang sampun mbimbing kita, saengga kita sedaya saged
lulus kanthi biji ingkang sae. Kula ugi badhe nyuwun pangapunten menawi kula
sakanca wonten lepatipun dhumateng bapak saha ibu guru lan adhik-adhik sedaya.
Kula sakanca badhe nyuwun donga pangestu saking bapak saha ibu guru lan
adhik-adhik sedaya, mugi-mugi kula sakanca saged nerasaken ing sekolah ingkang
kula lan kanca-kanca idhamaken. Kula ugi tansah ndongakaken mugi-mugi
adhik-adhik sedaya saged minggah kelas kanthi biji ingkang sae. Kula ugi nyuwun
supados adhik-adhik kelas VII lan VIII saged njagi asma sae sekolah kita.
Mugi-mugi sekolah kita punika dados sekolah ingkang dipuntresnani dening
masyarakat. Aamiin...
Kula kinten cekap semanten anggenipun kula matur, menawi
wonten lepat anggenipun kula matur kula nyuwun sih samodra pangaksami.
Wassalamu'alaikum wr.
wb.
Sesorah Malem Tirakatan Assalamualaikum Wr.Wb
Ingkang kinabekten Bapak RT 06, ingkang kinurmatan Bapak saha Ibu
sedaya warga RT 06, lan para wredha mudha ingkang kawula tresnani.
Saderengipun adicara kalajengaken, sumangga kula lan panjenengan
sedaya ngonjukaken puji syukur dhumateng Gusti ingkang Maha Kuwaos, amargi
saking rahmatipun kula lan panjenengan sedaya saged makempal wonten ing papan
menika kanthi sehat, mboten wonten alangan setunggal menapa.
Kula ugi ngaturaken gunging panuwun dhumateng panjenengan awit sampun
kersa nglonggaraken wekdal saperlu ngrawuhi adicara pengetan dinten
kamardikan menika.
Para rawuh ingkang minulya, bilih kita sampun mangertosi rikala
tanggal 17 Agustustus 1945, Indonesia mbiwarakaken kamardhikan RI. Ing jaman
menika para pejuwang bangsa wusananipun maosaken teks proklamasi
kamardhikan Indonesia lan sila-sila Pancasila.
Bapak ibu ingkang kinurmatan, panjenengan kasuwun rawuh ing tirakatan
menika sesarengan nyenyuwun dhumateng Gusti mugi-mugi nagari Indonesia
saklajengipun sae tinimbang sakderengipun merdheka. Sumangga kamardhikan dipunisi
kaliyan pembangunan nasionalisme ingkang katandur. Cukup semene atur kawula, yen kathah kekurangan kawula nyuwun
agunging samodra pangapura. Wassalamualaikum Wr.Wb |
d.
Teks
Sandhiwara Tradhisional (Kethoprak)
Lintang Kemukus
Sawijining
dina, kanthi sesidheman Lintang lunga menyang desa kanggo nggoleki
kanca-kancane.
(Putri
Lintang, Parmi, Karti, lan Sri dolanan)
Lintang :
“Wadhuh iki wis sore, aku bali menyang kraton dhisik ya...?“
Kabeh : “Ati-ati Lintang...“
Lintang
banjur mulih ning kraton dhewekan, nalika mulih ora dinyana ujug-ujug Lintang
diserang begal, cacahe loro. (Gelut)
Lintang :
“Uncalna pedhangmu utawa kancamu mati!“
Banyu : (nguncalke pedhang) “Uwis, uculna
kancaku!“
Lintang : “Bukak dhisik aling-aling raimu!”
Banyu :
(mbukak aling-aling raine) “…….”
Lintang : (njorogake salah sijining begal)
“Sapa kowe? Kenapa kowe ujug-ujug nyerang aku?“
Banyu :
“Aku mung kepingin mbales lara atiku.”
Lintang : “Bales lara ati apa?”
Jagad :
“Ibumu wis ngrusak lan ngobrak abrik negaraku saengga aku urip tanpa sanak sedulur. Aku kepengin ibumu bisa ngrasakake
kelangan wong sing ditresnani!”
Lintang : “O ngono? Ngono? Menawa mengkono
patenana aku…”
Banyu, Jagad :
“……”
Lintang : (menehake pedhang marang salah
sijining begal) “Ayo! Aku ngrumangsani yen aku pantes kok pateni amarga
kelakuane ibuku kuwi.”
Banyu, Jagad :
“…….”
Lintang : “Ayo patenana, aku lega lila.”
Jagad :
(maju arep mateni)
Banyu :
(menggak kancane mateni Lintang) “Ora.
Kowe ora pantes dipateni. Saiki dadi cetha yen kowe pranyata beda karo ibumu.
Aku Banyu, (salaman karo Lintang) dhek biyen aku pangeran ana ing kraton
Sekarwangi. Iki kancaku Jagad.” (Jagad nyalami Lintang).
Lintang : “Kowe sakloron saiki ora kepengin
mateni awakku?”
Jagad :
“Kayane ora, aku malah kepingin dadi kancamu. Kepriye?”
Lintang :
“Ehmmm…entuk wae. Dadine aku entuk lunga saiki?“
Banyu : “Ya, aku arep nemoni awakmu yen
ngepasi menyang desa iki meneh Putri Lintang.“
Lintang :
“Lintang wae.“
Banyu : “Iya, Lintang.“
Lintang :
“Muga-muga bisa ketemu meneh…“
(Lintang
banjur lunga)
Rara
Jonggrang
Jonggrang :
“Pangapurane, aku ora gelem yen digarwa dening wong kang wis merjaya ramaku.
Senajan panjenengan iku duwe kaluwihan, sekti
madraguna, gagah pedeksa, nanging ….”
Bandung : “ Nanging apa? Ha, ha, ha. Ayo kang
cetha. Aku ora mudheng karepmu.”
Jonggrang : “Nanging sampeyan kudu ngowahi watake
sampeyan kang seneng umuk. Dadiya watak kaya dene satriya. Angka loro, sampeyan
kudu bisa makmurke rakyat ing Prambanan iki. Kang pungkasan, sampeyan kudu bisa
gawe candhi kang cacahe sewu ing wektu sawengi. Yen bisa, aku gelem sampeyan
garwa. Sanggup apa ora?”
Bandung : “Ha, ha, ha... Mung iku panyuwunmu.
Iku dudu masalah kanggoku. Gampang. Apa maneh, Ndhuk cah ayu? Kabeh iku bakal
daklakoni angger wae sliramu bisa dakgarwa. Ha, ha, ha ….”
…………………………………...
Bandung : “He, Jonggrang,
sliramu pranyata wanita kang julig, licik,lan ora nganggoni prajanjen ya?
Jonggrang : “Aku wis
ngenggoni prajanjen. Wengine wis entek. Mula saka iku sampeyan cabar ora wenang
nggarwa aku, amarga candhi sing wis sampeyan gawe lagi 999 cacahe.“
Bandung :
“Kowe pranyata licik ya. Kabeh pamundhutmu wis dakturuti, nanging sliramu malah
tegel marang aku. Sliramu tegel lirwa saka prajanjen. Sliramu kang utusan
wong-wong desa supaya padha tangi kanggo nuthuki kenthongan lan lesung.
Jago-jago padha kluruk. Aku ora ngerti iku kabeh saka pokalmu. Aku ora trima!
Aku ora trima!”
Jonggrang : “Sampeyan yen ora trima mangga, nanging aku kaya mangkono
nyatane.”
Bandung : “Amarga sliramu kang ora teguh ing
janji, sliramu kang wus lirwa ing
prajanjen, mula anggonku gawe candhi kae lagi 999, mula saiki sliramu
kang daksabda dadi candhi kang ngganepi dadi sewu candhi.”
Dumadine
Jatijajar
Prabu Siliwangi
: “Banyak Tantra, Rama pun sepuh. Dalu niki kula timbali, awit Rama kepengin angger kang nglingsir keprabon.”
Banyak Tantra :
“Nyadhong duka Rama, abdi dalem dereng saged nggentosi palenggahan dhampar
keprabon.”
Prabu Siliwangi
: “Kenging napa sliramu boten
purun nggentosi pun Rama, Ngger?”
Banyak Tantra
: “Nyuwun pangapunten Rama, boten ateges abdi dalem mbadal dhawuh
paduka, namung abdi dalem badhe ngangsu kawruh rumiyin. Samangsa sampun
jangkep ngelmu, tartamtu abdi dalem sagah nggantosi paduka. Minangka jejeripun
ratu kedah kathah seserepanipun.Pramila ingkang putra nyuwun idi palilah pados
seserepan ing madyaning bebrayan, kanthi ngulandara.”
Prabu Siliwangi : “Manawi makaten, Rama namung
mangestoni. Padosa kawruh mumpung
taksih mudha!”
Banyak
Tantra : “Ngestokaken dhawuh Rama.”
---
..................
Silih
Warni sigra budhal lan nantang Raden Kamandaka adu jago. Nalika jago lagi
tarung, Silih Warni nubles bangkekane Raden Kamandaka saking wingking. Ananging
Raden Kamandaka saged mbrobos ical. Pramila, panggenan menika diparingi tenger
Desa Brobosan.
Salajengipun Silih Warni nantang perang tandhing.
Silih Warni :
“He, Banyak Cotro. Yen nyata kowe sekti, ayo adu kadidayan!”
Banyak Cotro : “Silih Warni, aku ora bakal nampa tantanganmu.
Wurungna niyatmu, sadurunge getun ing tembe mburi. “
Silih Warni : “Yen ra klakon tandhing klawan
awakmu nembe getun atiku.”
Banyak Cotro :
“Sepisan maneh aku Banyak Cotro, ora bisa nyilakani kowe, Silih Warni.”
Silih
warni ngendika karo kaget,
Silih Warni :
“Lho, apa bener yen kowe kuwi sejatine Banyak Cotro?”
Banyak Cotro :
“Ya bener, aku Banyak Cotro.”
Silih Warni :
“Adhuh Kakang, kula keng rayi, Banyak Ngampar. Kula dipunutus rama supados madosi
Kakang, kula nyuwun pangapunten, Kakang!”
Kekalihipun
lajeng rerangkulan. Minangka pangeling-eling papan menika katelah Jatijajar
amethik saking tembung Pajajaran.
---
2. Gladhen Soal
1.
Tepa
tuladha ingkang sae saking geguritan ‘Ibu’ inggih menika kang putra ….
A.
nyuwun
sangu donga pangestu, boten arta utawi japa mantra
B.
ngaturi
arta lan japa mantra sakderenge budhal dhateng kutha
C.
nyuwun
ibunipun ndonga supados mboten kenging godha rencana
D.
ngaturake
panuwun amargi sampun disekolahaken ngantos inggil.
2.
Tembung
kamulyan nggadhahi teges … .
A. cedhak
B. kepenak
C. sugih
D. apik
3.
Tumindak apa kang jumbuh karo isi geguritan ‘Aku Bocah Jawa’?
A.
Bocah
Jawa iku kudu ngecet rambut.
B.
Bocah
Jawa kudu njaga budaya luhur.
C.
Dadi
bocah ora oleh duwe raja brana.
D.
Wong
Jawa kudu nindhes marang liyan.
4. Ing ‘Aku Bocah Jawa’ sapa kang diarani bocah
Jawa dening penulis?
A.
Wong Jawa sing isih enom.
B.
Kabeh wong tanah Jawa.
C.
Kabeh wong Indonesia.
C.
Wong enom lan tuwa.
5. Purwakanthi kang padha karo larik
“Agama kang dadi ageming aji” ing geguritan “Eling” yaiku . . ..
A.
agama kang bisa dadi gegamaning ati
B.elinga marang bangsa lan negara
C.mengko mundhak mlebu neraka
D.
aja nganti
congkrah marang liyan
6.
Pada geguritan
kang temane jumbuh karo geguritan “Eling” kasebut yaiku ... .
A |
layang iki kanggo sliramu |
B |
ing adheme hawa Walanda |
C |
sipat pemudha –pemudhi, srawunge saya ndadi, raket wewekaning sepi, tan kadi duk jaman nguni, srawung sarwa ngati –ati |
D |
kuwi awakmu nang |
5.
Guru
wilangan lan guru lagune tembang durma, yaiku ... .
A.
12a, 8i, 5a, 5a, 7i, 5a, 7i
B.
12a, 8i, 5a, 7a, 7i. 6a, 7i
C.
12a, 8i, 5a, 7a, 8i, 5a, 7i
D.
12a, 8i, 6a, 7a, 8i, 5a, 7i
6.
Guru
lagu nglegena (swara a) ing tembang durma mapan ing gatra ....
A. 1, 2
B. 3, 4
C. 5, 6
D. 6, 7
Semaken
teks tembang kasebut!
Dipunsami ambanting ing badanira
Nyuda dhahar lan guling
Darapon sudaa
Nepsu kang ngambra-ambra
Rerema ing tyasireki,
Dadya sabrang
Karya nira lestari
7.
Gatra
kaping kalih ing pada kasebut nggadhahi teges dadi manungsa supaya ….
A. padha dhahar
karo guling
B. tansah padha
nyuda dhahare
C. nyuda mangan aja
karo gulingan
D. bisa nyuda
mangan lan turune
8.
Bab
kang ora pantes ditiru saka tembang kasebut yaiku … .
A. nyuda dhahar lan
guling
B. darapon sudaa
nepsu
C. rerema ing
tyasireki
D. nepsu kang
ngambra-ambra
9.
Miturut isine tembang kasebut, polah kang trep
ditindakake yaiku … .
A. carane golek
ilmu
B. cara ngurmati
wong tuwa
C. cara ngendhaleni
hawa nepsu
D. tata carane
nglakoni sopan santun
12. Dudutan
(simpulan) teks tembang kasebut nerangake babagan sapa … .
A. kang uripe gelem prihatin lan
tafakur bakal kelakon panjangkane
B. kang seneng lan gelem nyambut gawe
kanthi temen uripe bakal mulya
C. wonge kang ora sregep ibadah lan
salat wengi uripe bakal mulya
D. kang ora sregep ibadah lan salat wengi, panjangkane bakal kelakon
Semaken pethilan teks sesorah iki!
.......
Salajenganipun
ingkang dados wigatosing sedya, inggih Bapak Diharjo sakaliyan mliginipun
anakmas Wikan Kusuma kados kajugrugan ing wukirsari, awit nalika surya 30
Agustus 2021 sampun winisuda minangka Sarjana Teknik ing pawiyatan luhur tlatah
Semarang.
13.
Tembung ‘mliginipun’ ing ukara sepisan pada ka-3 saka teks sesorah kasebut tegese
… .
A.
khususe
B.
sedulur
C.
umume
D.
sedhereke
14. Teks sesorah ‘Syukuran Wisudha’ isinipun
babagan syukuran putranipun Bapak Diharjo amargi ... .
A. katampi
anggenipun pasinaon ing setunggaling universitas Semarang
B. sampun purna
anggenipun pasinaon saking pawiyatan luhur Semarang
C. sampun pikantuk
pedamelan ing papan pawiyatan luhur kitha Semarang
D. kawisudha dados
Sarjana Teknik lan angsal makarya ing pawiyatanipun
Wacanen pethilan teks sesorah kasebut!
15. Ukara kang kacithak kandel kasebut ana
tetembungan kang ora bener panulisane. Tata panulise kang trep yaiku …
A. Bapak saha Ibu Dwija ingkang kinormatan,
kepareng matur kula minangka sesulih sakeng kadang kelas 9.
B. Bapak saha Ibu Dwija ingkeng
kinurmatan, kepareng matur kula minangka sesulih sakeng kadhang kelas 9.
C. Bapak saha
Ibu Dwija ingkang kinurmatan, kepareng matur kula minangka sesulih saking
kadang kelas 9.
D. Bapak saha Ibu Dwija ingkang
kinurmatan, kepareng matur kulo minangka sesulih saking kadang kelas 9.
16.
Wacanen
pethilan sesorah kasebut!
A. srawung
ing pasadintenan kathah lepatipun
B.
anggene
srawung ing padintene katah lepatipun
C.
badhe nyuwun pamit saking pawiyatan
menika
D.
badhe nglajengaken ing pawiyatan langkung
inggil
17.
Ukara
ing ngisor iki kalebu perangan pambukaning pidato yaiku....
A.
Ing
kalodhangan punika, keparenga kula makili kanca-kanca kelas IX badhe ngaturaken
atur panuwun ingkang kathah dhumateng bapak saha ibu guru ingkang sampun
mbimbing kita.
B.
Bapak
kepala SMP Tunas Harapan ingkang kinurmatan, bapak/ibu guru saha karyawan
ingkang kula urmati, ugi kanca-kanca lan adhik-adhik ingkang kula tresnani..
C.
Kula
kinten cekap semanten anggenipun kula matur, menawi wonten lepat anggenipun
kula matur kula nyuwun sih samodra pangaksami.
D.
Kula
ugi badhe nyuwun pangapunten menawi kula sakanca wonten lepatipun dhumateng
bapak saha ibu guru lan adhik-adhik sedaya
Wacanen teks sesorah kasebut!
Saderengipun adicara kalajengaken, sumangga kula lan
panjenengan sedaya ngonjukaken puji syukur dhumateng Gusti ingkang Maha Kuwaos,
amargi saking rahmatipun kula lan panjenengan sedaya saged makempal wonten ing
papan menika kanthi sehat, mboten wonten alangan setunggal menapa.
18. Miturut
unggah-ungguhipun, pethilan teks pidhato kasebat migunakaken basa ....
A. ngoko
lugu
B. ngoko
alus
C. krama
alus
D. krama
lugu
19. Cukup semene atur kawula, yen kathah kekurangan
kawula nyuwun agunging samodra pangapura.
Miturutmu kepriye unggah-ungguh kang
trep tumrap panutup sesorah kasebut?
A. Cukup semanten atur kula, menawi kathah
kekurangan kula nyuwun agunging samodra pangaksami.
B. Cukup semanten atur kawula, mbok
bilih kathah kekirangan kawula nyuwun agunging samodra pangaksama.
C. Cekap semanter atur kawula, menawi
kathah kekirangan kawula nyuwun agunging samodra pangaputen.
D. Cekap semanten atur kula, mbok bilih
kathah kekirangan kula nyuwun agunging samodra pangaksami.
20.
Tumindak
apa kang jumbuh karo pitutur luhur ing teks sandhiwara Lintang Kemukus kasebut?
A. Kekancan karo
wong sing sadrajat supaya bisa ngangkat drajate kulawarga.
B. Kudu pinter
ngendhalekake hawa nepsu lan sabar ngadhepi kabeh kahanan.
C. Aweh piwales
marang sapa bae kang wis gawe rekasa lan lara atine dhewe.
D. Aja gampang
ngalah marang mungsuh kepara kudu menang saka mungsuh.
21.
Pitutur
luhur apa sing bisa dijupuk saka pethilan teks sandiwara kasebut?
A.
Dadi
manungsa ora kena nglirwakake marang prajanjine.
B.
Manungsa
bisa nglirwakake marang prajanjine.
C.
Manungsa
tansah nuruti apa sing dadi pepenginane.
D.
Manungsa
kuwi dadi wayang urip ing alam donya.
22.
Gancaran saka pethilan teks sandhiwara ‘Dumadine
Jatijajar’ yaiku …
A.
Silih
Warni budhal nantang Banyak Cotro. Ing kono dheweke durung ngerti yen Banyak
Cotro kuwi sejatine kakange kang lunga, mulane dheweke diutus Rama kanggo
nggoleki.
B.
Banyak
Cotro kasil numpes Banyak Ngampar lan wis merjaya dheweke kanthi meneng-meneng.
Banyak Cotro dianugrahi bebungah kang akehe saiket sirah.
C.
Jatijajar
minangka papan kang ditemokake dening Silih Warni nalika dheweke nembe tapa ing
alas Purwa. Ing kono dheweke diganggu dening para dhemit kang tunggu.
D.
Banyak
Ngampar kang arep diperjaya ing Jatijajar paring piwales marang prajurit Banyak
Cotro. Dheweke mung ijen nalika tumeka ing kraton.
23.
Apa
dudutane (simpulan) pethilan teks sandhiwara kasebut?
A.
Banyak
Tantra durung gelem dadi raja amarga isih kepengin golek kawruh.
B.
Banyak
Tantra ora oleh dadi raja awit kawruhe sithik lan kudu sinau maneh.
C.
Prabu
Siliwangi lengser keprabon diganti dening putrane Banyak Tantra.
D.
Prabu
Siliwangi ora sarujuk yen Banyak Tantra ngganteni kalungguhane.
PILIHAN
GANDA KOMPLEKS
Pilihan jawaban lebih dari 1
24.
Semaken tembang durma kasebut!
Dipunsami hambanting sarira nira Cegah dhahar lawan guling Darapon sudaa Nepsu kang ngambra-ambra Rerema ing tyas sireki Dadya sabarang Karsanira lestari. |
Miturut isi tembang durma kasebut
laku prihatin bisa dadekake kabule cita
–cita utawa gegayuhan kanthi cara … .
ngurangi
mangan lan turu
ndedonga marang
Gusti Allah
nambahi tumindak daksiya
nambahi dolan lan sinau
ngurangi hawa lan nepsu.
25.
Wacanen teks tembang macapat kasebat !
Mung tindake
dhewe datan winaonan, ngrasa bener
pribadi, sanadyan
benera, yen tindake
wong liya, pasti den arani
sisip, iku wong ala, ngganggo bener
pribadi. |
Pilihen pratelan kang bener tumrap tembung lan tegese!
|
Datan tegese ora
Sisip
tegese bener
Ala tegese ora padha
v
Ngrasa tegese rumangsa
Ala tegese ora becik
-matur nuwun-
Sugeng sinau para siswa, mugi pinaringan gampil lan gancar anggenipun nggarap soal. Aamiin
ReplyDelete